Technip Energies — бош қароргоҳи Францияда жойлашган глобал муҳандислик компанияси бўлиб, энергетика, нефть-кимё ва инфратузилма соҳаларида мураккаб лойиҳаларни лойиҳалаш ва амалга оширишга ихтисослашган. Компания барқарор энергетика, табиий ресурсларни қайта ишлаш ҳамда илғор технологик ечимларни жорий этиш билан боғлиқ лойиҳаларда фаол иштирок этади.

Учрашув давомида томонлар кимё ва тоғ-кон саноати, агро-саноат комплекси ҳамда энергетика каби соҳаларда ҳамкорликни кенгайтириш истиқболларини муҳокама қилдилар.

Саноат ўсишини таъминлаш ва барқарор таъминот занжирларини шакллантиришда муҳим аҳамиятга эга бўлган критик минералларни ўзлаштириш бўйича лойиҳавий таклифларни ишлаб чиқиш масалаларига алоҳида эътибор қаратилди. Шунингдек, Ўзбекистонда истиқболли лойиҳаларни амалга оширишда тўғридан-тўғри хорижий инвестициялар ва халқаро компаниялар тажрибасини жалб этиш имкониятлари муҳокама қилинди.