Грузия билан транспорт-логистика соҳасидаги ҳамкорликни ривожлантириш масалалари муҳокама этилди
2025-07-24 11:55:00 / Янгиликлар
23 июль куни Транспорт вазири Илҳом Махкамов Грузия иқтисодиёт ва барқарор ривожланиш вазири Мариам Квривишвили хоним билан музокаралар ўтказди.
Томонлар автомобиль ва темир йўл ташувлари соҳасида икки томонлама ҳамкорликни кенгайтириш, шунингдек, Грузия денгиз портларидан фойдаланган ҳолда халқаро мултимодал транспорт йўлакларини ривожлантириш билан боғлиқ масалаларни муҳокама этишди.
Шунингдек, И.Махкамов "Хитой – Қирғизистон – Ўзбекистон" темир йўли қурилиши лойиҳасининг аҳамияти ва келгусида мазкур темир йўлнинг халқаро транспорт йўлаклари тизимига, жумладан, Ўрта йўлакка интеграциялашувини инобатга олиб, грузин томонига ушбу лойиҳада иштирок этиш имкониятини кўриб чиқишни таклиф этди.
Икки мамлакатнинг сайёҳлик салоҳиятини ривожлантириш мақсадида вазирлар Ўзбекистон ва Грузиянинг сайёҳлик шаҳарлари ўртасидаги авиақатновлар сонини кўпайтириш юзасидан фикр алмашди.