Мактабгача ва мактаб таълими вазири Ҳилола Умарова Полша Республикаси Таълим вазири Барбара Новаская билан учрашди.
2025-06-13 09:00:00 / Янгиликлар
Унда икки томонлама ҳамкорлик алоқаларини ривожлантириш мақсадида СТЕМ йўналиши, таълимда рақамлаштириш ва ахборот технологиялари, қўшма таълим лойиҳалари, ўқувчиларни касбга ўргатиш, педагогика олий таълим муассасалари ўртасида ҳамкорлик каби йўналишлар муҳокама қилинди.
Таъкидлаш жоиз: Ўзбекистон ва Полша ўртасида мактабгача ва мактаб таълими соҳасида ҳамкорлик алоқалари илк маротаба йўлга қўйилди.
Учрашувда, шунингдек, Perspektywy Women in Tech жамғармаси раҳбари Бианка Сивиńска фахрий меҳмон сифатида иштирок этди.
Ўзаро мулоқот давомида гендер тенглигини мустаҳкамлаш ва таълим соҳасида аёллар етакчилиги салоҳиятини оширишга қаратилган халқаро ташаббуслардан, хусусан, глобал TechWomen тармоғи имкониятларидан ҳамкорликда фойдаланиш бўйича ўзаро келишувга эришилди.
Барбара Новаская: Ўзбекистон биз учун минтақадаги асосий ҳамкорларимиздандир. Таълим — бу иқтисодиётнинг бир қисми ҳисобланади. Ўзбекистонда педагогика йўналишида олий таълим муассасаларида ўтказилаётган ислоҳотлар биз учун жуда қизиқ.