БМТ бош котиби ўринбосари томонидан мамлакатимизда Барқарор ривожланиш мақсадлари соҳасида эришилган натижалар юқори баҳоланди
2025-07-23 20:05:00 / Вазирлик янгиликлари
АҚШнинг Ню-Ёрк шаҳрида бўлиб ўтаётган БМТнинг юқори даражадаги сиёсий форуми доирасида БМТ бош котиби ўринбосари — БМТнинг иқтисодиёт ва ижтимоий масалалар департаменти раҳбари Ли Жунхуа ҳамда Ўзбекистон Республикаси Иқтисодиёт ва молия вазири ўринбосари Умид Абидхаджаев ўртасида учрашув бўлиб ўтди.
Мулоқот давомида БМТ бош котиби ўринбосари Ли Жунхуа томонидан мамлакатимизда Барқарор ривожланиш мақсадлари соҳасида эришилган натижалар юқори баҳоланди.
Учрашувда томонлар рақамли боғлиқлик (digital connectivity), иқтисодиётда юқори технологик махсулотлар улушини ошириш, маълумотлар дивидендини олишда инфратузилмага манзилли инвестиция киритишнинг аҳамияти юзасидан муҳокамалар олиб борилди.
Музокаралар якунида мазкур соҳаларда лойиҳаларни амалга оширишга БМТнинг иқтисодиёт ва ижтимоий масалалар департаменти экспертларини жалб қилиш ҳамда департаментнинг Ўзбекистонга миссиясини ташкил этишга келишиб олинди.
Иқтисодиёт ва молия вазирлиги
Ахборот хизмати