Вазирлар Маҳкамасининг тегишли қарорига асосан Холиқов Баҳодир Алиқулович Самарқанд давлат чет тиллар институти ректори лавозимига тайинланди.
2024-06-07 17:00:00 / Вазирлик янгиликлари
Б.Холиқов 2011 йилда Ўзбекистон давлат жаҳон тиллари университетини тамомлаган, мутахассислиги лингвистика (инглиз тили). Филология фанлари бўйича фалсафа доктори (ПҳД), доцент.
Меҳнат фаолияти давомида Ўзбекистон давлат жаҳон тиллари университети катта илмий ходими, Ўзбекистон миллий университети ўқитувчиси, Тошкент давлат ўзбек тили ва адабиёти университети халқаро алоқалар бўлими бошлиғи, университет Кенгаши котиби, декан ўринбосари, кафедра мудири, проректор лавозимларида ишлаган.
Тайинловга қадар Вазирлар Маҳкамаси Бош вазири котибиятининг Давлат тилини ривожлантириш департаментида фаолият юритиб келаётган эди.