Сөйлесиўлерде аўыл хожалығы ҳәм азық-аўқат санааты тараўындағы өз-ара пайдалы бирге ислесиў мәселелери додаланды. Соның ишинде, мийўе-овошларды қайта ислеў, заманагөй технологияларды тартыў ҳәм қоспа жойбарларды әмелге асырыў перспективалары көрип шығылды.

Мағлыўмат ушын, АзерСун Ҳолдинг - Қубла Кавказ регионындағы ең ири ҳәм абырайлы агросанаат және азық-аўқат өнимлерин ислеп шығарыўшы компаниялардан бири болып есапланады. Холдинг аўыл хожалығы, қайта ислеў, қадақлаў, логистика, қаржы ҳәм инвестиция тараўларында жумыс алып барады. Бүгинги күнде компания қурамында 30 дан аслам кәрхана ҳәм заводлар болып, мыңлаған жумыс орынлары жаратылған.

Ушырасыў жуўмағында тәреплер аўыл хожалығы тараўында нәтийжели бирге ислесиўди жолға қойыў, инновациялық көзқарасларды енгизиў ҳәм заманагөй өндирис тәжирийбелерин өз-ара қолланыўға таяр екенин билдирди. Ҳәзирги ўақытта бул бағдарларда сөйлесиўлер даўам етпекте.