Andijon davlat tibbiyot instituti — mamlakatimizdagi eng nufuzli oliy ta'lim muassasalaridan biri
2025-05-02 16:25:00 / Yangiliklar
Bugungi kunda ushbu o'quv yurtida 11 ming nafardan ziyod talaba tahsil olib, ularning 1000 nafarini Rossiya, Hindiston, Pokiston, Koreya, Qozog'iston kabi mamlakatlardan kelgan yoshlar tashkil etadi.
Kuni kecha institut tashkil etilgan sana munosabati bilan bir qator ilmiy-amaliy va madaniy tadbirlar bo'lib o'tdi.
Jumladan, "anatomiya va gistologiya" bo'yicha II nufuzli Olimpiada hamda "profilaktik tibbiyotda ilg'or innovasion texnologiyalarni qo'llash" mavzusidagi xalqaro konferentsiyada yurtimiz bilan birga, ko'plab xorijiy davlatlardan sohaning etuk mutaxassislari, olimlar va talabalar ishtirok etdi.
Eslatib o'tamiz, Prezidentimiz shu yil aprel oyida mazkur viloyatga qilgan tashrifi davomida tibbiyotda Andijon brendini yaratish bo'yicha barcha imkoniyatlar borligini ta'kidlab, ushbu institutga universitet maqomi berilishini ma'lum qilgan edi.
Sog'liqni saqlash vazirligi
Matbuot xizmati.
