Forum davomida O‘zbekiston va Xitoy o‘rtasidagi iqtisodiy hamkorlikda ayollarning rolini yanada kuchaytirish, qo‘shma loyihalarni yo‘lga qo‘yish, o‘zaro tajriba almashish va innovasion tashabbuslarni qo‘llab-quvvatlash masalalari muhokama qilindi.

Tadbirda so‘zga chiqqan Z.Maxkamova O‘zbekiston va Xitoy tadbirkor ayollari o‘rtasidagi hamkorlikni mustahkamlash, o‘zaro tajriba va innovasion g‘oyalar almashinuvi yo‘lga qo‘yilishi maqsadida O‘zbekiston–Xitoy tadbirkor ayollarining muloqot platformasini tashkil etish taklifini bildirdi.

Ushbu platforma ikki mamlakat ayol tadbirkorlari o‘rtasida doimiy muloqotni ta’minlash, yangi biznes tashabbuslarni ro‘yobga chiqarish, ta’lim, innovatsiya, hunarmandchilik va eksport salohiyatini oshirishga xizmat qiladi.

Tadbirda ikki tomonlama ishbilarmon ayollar o‘rtasidagi hamkorlik aloqalari yangi bosqichga ko‘tarilishi ta’kidlandi.