Unda Xalqaro hamkorlik bo‘yicha Yevropa komissari Yozef Sikela, YeTTB prezidenti Odil Reno-Basso, YeIB va “Cassa Depositi e Prestiti” (Italiya) banklari rahbariyati ishtirok etdi.

Ma’lumot uchun: Loyiha doirasida 5,4 mlrd kub metrga teng suv ombori va 1860 MVt quvvatli gidroelektr stansiyasi ishga tushiriladi. Natijada yiliga o‘rtacha 5,6 mlrd kVt·soat elektr energiyasi ishlab chiqarish imkoniyati yaratiladi. Bu nafaqat barqaror energiya manbai, balki mintaqaviy hamjihatlik va iqtisodiy o‘sish omili bo‘lib xizmat qiladi.

Forum doirasida Germaniya xalqaro hamkorlik jamiyati (GIZ) tomonidan tashkil etilgan “Markaziy Osiyoda sheriklik muloqoti” bo‘lib o‘tdi. Unda O‘zbekiston, Qozog‘iston, Qirg‘iziston, Tojikiston va Turkmaniston Energetika vazirliklari ishtirok etdi.

Shu bilan birga, Yevropa Ittifoqi tomonidan xalqaro moliya institutlari va qo‘shni davlatlar Energetika vazirliklari ishtirokida “Markaziy Osiyoda gidroenergetika salohiyatini oshirish” sessiyasi tashkil etildi.

Unda mintaqadagi yirik gidroenergetika loyihalari – “Rog‘un” va “Qambarota” GESlarining ahamiyati, ularni amalga oshirishda moliya institutlarining o‘rni, Markaziy Osiyo davlatlarining energetika xavfsizligini mustahkamlashi hamda suv resurslaridan oqilona foydalanishi, mahalliy aholi uchun daromad yaratishi va barqaror qishloq xo‘jaligini qo‘llab-quvvatlashi alohida ta’kidlandi.