Avvalo, imkoniyati cheklangan va ishsiz xotin-qizlar uchun tashkil etilgan inklyuziv IT markazi faoliyati ko‘zdan kechirildi. Markazda raqamli savodxonlik, dasturlash asoslari va onlayn hamkorlik ko‘nikmalari orqali ayollarning mehnat bozoridagi raqobatbardoshligi oshirilayotgani qayd etildi.

Shundan so‘ng “Ayol, biznes, innovatsiya” mavzusidagi ochiq muloqotda ishtirok etildi. Unda o‘z ishini yo‘lga qo‘ygan 50 dan ortiq tadbirkor ayol tajriba almashdi, yangi mahsulot va xizmatlar bo‘yicha takliflar muhokama qilindi.

Muloqot chog‘ida xotin-qizlarni tadbirkorlikka keng jalb etish, innovasion g‘oyalarni qo‘llab-quvvatlash va amaliyotga joriy etish masalalariga alohida e’tibor qaratildi.

Yig‘ilish yakunida mutasaddilarga aniq vazifalar berildi:
— inklyuziv IT markazi quvvatini oshirish, yangi o‘quv guruhlarini yo‘lga qo‘yish va trenerlar salohiyatini kuchaytirish;
— xotin-qizlar tadbirkorligi uchun akseleratsiya/mentorlik dasturini ishlab chiqish va amalga joriy etish;
— istiqbolli loyihalar reyestrini shakllantirish, ularni resurslar bilan qo‘llab-quvvatlash mexanizmlarini (moliya, infratuzilma, bozorga chiqish) aniq belgilash;
— “Yashil oila” va oziq-ovqat xavfsizligi yo‘nalishlarida pilot loyihalarni ishga tushirish;
— muloqotda bildirilgan takliflar ijrosi bo‘yicha “yo‘l xaritasi” tayyorlash, muddat va mas’ullarni belgilab, monitoring tizimini yo‘lga qo‘yish.
Hududlarda kichik innovasion guruhlar tashkil etish va loyihalarni ahamiyatliligi bo‘yicha amalga oshirish borasida takliflar berildi