Ayollar tadbirkorligi xalqaro sammiti doirasida navbatdagi uchrashuv
2025-08-26 12:10:00 / Yangiliklar
Ulanbator shahrida o‘tayotgan ayollar tadbirkorligi sammiti doirasida Bosh vazir o‘rinbosari — Oila va xotin-qizlar qo‘mitasi raisi Z.Maxkamova hamda Mo‘g‘uliston Bosh vazir o'rinbosari S.Amarsayxan o‘rtasida navbatdagi uchrashuv bo‘lib o‘tdi.
Uchrashuv davomida ayollarni qo‘llab-quvvatlash, oilani mustahkamlash va ijtimoiy sohalarda hamkorlikni kengaytirish masalalari muhokama qilindi.
Tomonlar ayollar tadbirkorligini rivojlantirish, biznesda teng imkoniyatlar yaratish va tajriba almashuvining ahamiyatini ta’kidlashdi. Kelgusida qo‘shma tashabbuslar va tadbirlarni amalga oshirish bo‘yicha fikr almashildi.
Uchrashuv iliq va konstruktiv ruhda o‘tib, ikki tomonlama munosabatlarni mustahkamlash yo‘lida muhim qadamlardan biri bo‘ldi.