Uchrashuvda Xalqaro kurash assotsiatsiyasi prezidenti kurash sport turini "Bahrayn-2025" yoshlar Osiyo o'yinlariga kiritish borasida muzokaralar olib borilyotganini ma'lum qildi. O'z navbatida, 2025 yilda Saudiya Arabistonining Ar-Riyod shahrida bo‘lib o‘tadigan Islom birdamlik o‘yinlarida kurash bo‘yicha rasmiy bellashuvlar bo‘lib o‘tishi tasdiqlangani ushbu sport turini yanada rivojlanishida muhim ahamiyat kasb etishi ta'kidlandi.

Shu bilan birga, kurash milliy sport turini ommalashtirish, rivojlantirish va dunyoga tanitish bo‘yicha amalga oshirilgan ishlar va kelgusida amalga oshirilishi lozim bo‘lgan rejalar muhokama qilindi.

Shuningdek, kurash milliy sport turini xalqaro miqyosda tan olinishini tashkil qilish bo‘yicha takliflar bildirildi.