Navoiyda Oliy ta’lim, fan va innovatsiyalar vazirligi sayyor qabuli o‘tkazildi
2025-07-31 17:30:00 / Vazirlik yangiliklari
31-iyul kuni Oliy ta’lim, fan va innovatsiyalar vaziri o‘rinbosari Otabek Mahkamov Navoiy shahrida sayyor qabul o‘tkazdi. Unda vazirlik markaziy apparati mas’ullari ham onlayn tarzda ishtirok etdi.
Qabul davomida viloyatdagi oliy ta’lim muassasalarining professor-o‘qituvchilari va talaba-yoshlari sohaga oid muammo hamda takliflarini bildirdi.
Jumladan, o‘qishga qabul qilish, o‘qishni ko‘chirish va qayta tiklash, mehnat munosabatlari, ta’lim muassasasi xodimlari faoliyati, talabalar turar joyi bilan bog‘liq murojaatlar tinglandi.
Murojaatchilarga mutaxassislar ishtirokida huquqiy tushuntirishlar berildi va tegishli javoblar taqdim etildi. O‘rganish talab etiladigan masalalar bo‘yicha mas’ul rahbar va mutasaddilarga aniq topshiriqlar berilib, ularni hal etish nazoratga olindi.