Oliy ta’lim vaziri o‘rinbosari yoshlar bilan uchrashdi
2025-07-29 09:35:00 / Vazirlik yangiliklari
Uchrashuvda yoshlarga taalluqli dolzarb masalalar, ularning hayoti va faoliyatida uchrayotgan muammolar atroflicha o‘rganildi. Ayniqsa, ularni qiynayotgan savollarga bevosita javob berilib, har bir murojaat yuzasidan amaliy chora-tadbirlar rejalashtirildi.
Muloqot davomida quyidagi muhim yo‘nalishlar belgilab olindi:
Yoshlarning qobiliyat va salohiyatini rivojlantirish, ularni zamonaviy kasb-hunarlarga, raqamli texnologiyalar va xorijiy tillarga o‘qitish;
Tadbirkorlik faoliyatini yo‘lga qo‘yishda axborot, maslahat va moliyaviy jihatdan ko‘maklashish;
Yoshlarni mavjud bo‘sh ish o‘rinlari bilan ta’minlash, ularga munosib hayotiy yo‘l tanlashda ko‘mak berish;
Yoshlarda huquqiy ong va huquqiy madaniyatni yuksaltirish, ularni jamiyatda faol va mas’uliyatli fuqaro sifatida tarbiyalash.
Uchrashuv jarayonida har bir yosh bilan yurakdan suhbat o‘tkazildi. Ularning fikr va mulohazalari, orzu-intilishlari diqqat bilan eshitildi. Takliflar asosida ayrim dolzarb masalalarni hal etishga doir aniq topshiriqlar vazirlik mutasaddilariga berildi.
Yakunda yoshlar bilan tizimli ishlash, ularning bandligini ta’minlash, salohiyatini to‘liq ochib berish hamda hayotda munosib o‘rin egallashlariga ko‘maklashish bo‘yicha kompleks chora-tadbirlar ishlab chiqilishi belgilandi.