Investitsiya mablag‘larini jalb qilish va eksport ko‘rsatkichlarini oshirish vazifalari muhokama qilindi
2025-02-12 20:00:00 / Vazirlik yangiliklari
12-fevral kuni Oliy ta’lim, fan va innovatsiyalar vazirining o‘rinbosari Otabek Mahkamov hamda prukuratura organlari boshchiligida “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universitetida oliy ta’lim muassasalarining xorijiy investitsiyaga mas’ul prorektorlari bilan yig‘ilish bo‘lib o‘tdi.
Yig‘ilishda O‘zbekiston Respublikasi Prezidenti Sh.Mirziyoyev raisligida investitsiyalarni keng jalb etish va eksport hajmini oshirish borasidagi ishlar natijadorligi hamda kelgusidagi asosiy vazifalar muhokamasi bo‘yicha videoselektor yig‘ilishida belgilangan vazifalar bo‘yicha qilingan ishlar tahlili va kelgusi rejalar belgilandi.
Shuningdek, O.Mahkamov 2025-yil uchun xorijiy investitsiyalar va tashqi beg‘araz ko‘mak grant mablag‘larini jalb etish va o‘zlashtirish hamda eksport natijadorligi bo‘yicha istiqbolli reja ishlab chiqilganligi, oliy ta’lim muassasalarida jalb qilingan va o‘zlashtirilgan xorijiy investitsiya mablag‘lari va eksport natijadorligini hisobini yuritish zarurligini ta’kidladi.