O‘zbekiston Respublikasi Kambag‘allikni qisqartirish va bandlik vazirligi

Rezyumeni to‘g‘ri tayyorlang.
O‘qigan joyingiz, kurslar, ko‘ngilli faoliyatlar, amaliyotlar va o‘zlashtirgan ko‘nikmalaringizni (masalan, kompyuter dasturlari, tillar) albatta yozing. Ish beruvchi sizning imkoniyatingizni ko‘rishi kerak.

Tajriba o‘rniga ko‘nikmalarni ko‘rsating.
“Ishlamaganman” o‘rniga – “tez o‘rganaman, jamoada ishlay olaman, mas’uliyatliman” kabi fazilatlarni ta’kidlang.

Kichikdan boshlashga tayyor bo‘ling.
Stajirovka, amaliyot, vaqtinchalik yoki yarim stavkali ishlar – keyinchalik katta imkoniyatlarga yo‘l ochadi.

Internet va tanishlardan foydalaning.
Ish saytlari, Telegram’dagi ish guruhlari, tanish-bilish orqali ham imkoniyatlar chiqadi. O‘zingizni ko‘proq tanitish kerak.

Suhbatlarga jiddiy tayyorlaning.
Ish beruvchining kompaniyasi haqida o‘qing, oddiy savollarga oldindan javob tayyorlang va ishonch bilan gapirishga harakat qiling.