“Yangi Oʻzbekiston” bogʻida Mustaqillikning 34-yilligi nishonlanmoqda
2025-08-29 19:40:00 / Vazirlik yangiliklari
Ayni damda "Yangi Oʻzbekiston” bog'ida mamlakatimiz davlat mustaqilligining 34-yilligiga bag'ishlangan bayram tadbiri bo'lib o'tmoqda.
"Xalqimizning ko'z o'ngida minglab zamonaviy korxonalar, ijtimoiy-iqtisodiy infratuzilma obyektlari qad rostlamoqda.
O'tgan davrda birgina kichik va o'rta tadbirkorlar soni 2 karra ko'paydi. Bugun ushbu tarmoqda 10 milliondan ortiq aholimiz mehnat qilib, daromad topmoqda.
Biz yil boshida 5,5 million aholi bandligini taʼminlash boʻyicha katta marra olgan edik. Sakkiz oydayoq 5 millionlik rejani uddaladik.
Bularning barchasi oʻz samarasini berib, yurtimizda kambag'allik darajasini 6,8 foizga tushirishga erishildi.
Biz tadbirkorlikni rivojlantirish, keksalar, xotin-qizlar, yoshlar, ijtimoiy yordamga muhtoj insonlarni qoʻllab-quvvatlash, kambagʻallikni qisqartirish boʻyicha ishlarimizga yangi shiddat beramiz.
Xalqimiz uchun munosib sharoitlar yaratish borasidagi islohotlarimiz bir daqiqa ham toʻxtamaydi”, – dedi Prezidentimiz o'z nutqida.